ჩემი ცხოვრება
საფეხურებჩატეხილი კიბეა,
ძნელად სავალი
და მოაჯირიც არა აქვს,
რომ ხელი შემაშველოს.
მხრებზე დაწოლილი ტვირთით
ნაბიჯ-ნაბიჯ ვკეცავ -
არ მინდა, უკან მოვიხედო,
წარსულს ვუტოვებ წლებს და
მხრებს ვეძებ
ჩემი დაღლილი სხეულის დასაყრდნობად.
მინდა, მომეფერო
და ჩემი ცხოვრების კიბე
გაამთელო,
რომელსაც მოაჯირიც კი არა აქვს,
რომ ხელი შემაშველოს.
ნელი გოგუაძე
No comments:
Post a Comment