დავიღალე
მითხარი, როგორ დავასვენო სული
რომელმაც ფერი დაკარგა,
გაყვითლდა შემოდგომის ფოთოლივით
და გახმობა დაიწყო.
დავიღალე.
მინდა სხეულზე შენი თითებით ნაკადული გავაკეთო
რომ ირაკრაკოს და
სიყვარულის სიმღერა მიმღეროს.
დავიღალე,
მინდა მომეფერო
და შენს მკერდზე დავისვენო,
თვალები დავხუჭო,
შენს სუნთქვაში ჩავიძირო.
გესმის?
მითხარი,
როგორ დავასვენო სული
რომელმაც ფერი დაკარგა,
გაყვითლდა შემოდგომის ფოთოლივით
და გახმობა დაიწყო.
No comments:
Post a Comment