შემაშველე ხელი_
თუ დავმარცხდი, დამესია
თუ ფიქრებად მტერი,
თუ ეჭვებად ანეშალა
უნდობლობის ჯარი,
მოეშველა თუ ამ ლაშქარს
სევდა მოისარი,
თუ სიშლეგემ დმიარა
ჟრუანტელად ტანში
და ჭორებმა ყურისძირში
თუ დაუკრეს ტაში,
ან ღიმილი თუ გამიქრა
და დამტოვა მარტო
და ეული, გალეული
სინაცრისფრეს ვნატრობ,
თან თუ ხარობს, დამხარხარებს
უმეცრება ტვინში,
თან თუ ხაროს ტყვე გავხდი და
დავილექე ძირში
და თან ნახე სიცოცხლე რომ
აღარ ქარაშოტობს,
დამანახე რომ ადრეა
სანამ თმაში მოთოვს.
თუ დამცალდა გამოვცალო
სიჭაბუკის დღენი-
ნუ დამაცდი დაცემამდე-
შემაშველე ხელი!
ლევან ქერდიყოშვილი
No comments:
Post a Comment